تازہ ترین
  • بریکنگ :- پی ٹی آئی لانگ مارچ،شیخ رشیدکوگرفتاریانظربندکیےجانےکاامکان
  • بریکنگ :- اسلام آباد:فیصلہ آج وزارت داخلہ کےاجلاس میں کیاجائےگا
  • بریکنگ :- شیخ رشیدکےتصادم سےمتعلق بیان کاجائزہ بھی لیاجائےگا

'پاکستان میں صنعت لگانے والے چینی سرمایہ کاروں کو تمام ممکن سہولیات فراہم کرینگے'

Published On 20 November,2021 11:58 am

اسلام آباد: (دنیا نیوز) وزیراعظم عمران خان نے یقین دہانی کراتے ہوئے کہا کہ پاکستان میں صنعت لگانے والے چینی سرمایہ کاروں کو تمام ممکن سہولیات فراہم کریں گے۔

وزیراعظم سے چینی کاروباری وفد نے ملاقات کی جس میں عمران خان نے خصوصی اقتصادی زونز میں دلچسپی لینے پر غیر ملکی صنعتکاروں سے تشکر کا اظہار کیا۔ وزیر توانائی حماد اظہر، مشیر تجارت عبدالرزاق داؤد، ڈاکٹر شہباز گل، خالد منصور اور چین کے سفیر بھی ملاقات میں موجود تھے۔

عمران خان کو بریفنگ میں بتایا کہ چینی تاجر گلاس، سیرامکس اور انفارمیشن ٹیکنالوجی کے شعبوں میں کام کرنے کے خواہشمند ہیں، پاکستان میں ایک مقامی موبائل مینوفیکچرنگ یونٹ لگا رہی ہے، اس سے سمارٹ فونز کی سالانہ درآمد پر بہت زیادہ زرمبادلہ کے ذخائر کی بچت ہوگی اورروزگار کے مواقع بھی پیدا ہوں گے۔

اس موقع پر عمران خان کا کہنا تھا کہ ترجیحی بنیادوں پر پاکستان میں چینی کاروباری اداروں کی حمایت کریں گے، خصوصی اقتصادی زونز میں اپنی سرمایہ کاری کو تیز کرنے میں گہری دلچسپی پر ان کے شکر گزار ہیں، پاکستان اور چین نہ صرف ماضی اور حال میں جڑے ہوئے ہیں بلکہ ہم اپنی آنے والی نسلوں تک بھی متحد رہیں گے۔

وزیراعظم نے کہا کہ پاکستان دونوں ممالک کے عوام میں قائم قابل قدر تعلقات کو سراہتا ہے، پاکستان میں صنعتیں لگانے والے تمام چینی سرمایہ کاروں کو ہنگامی بنیادوں پر سہولیات دی جائیں، سڑکوں اور یوٹیلیٹی سہولیات کی فراہمی سے متعلق مسائل کو حل کیا جائے۔