تازہ ترین
  • بریکنگ :- جسٹس عمرعطابندیال کی چیف جسٹس پاکستان تعیناتی کانوٹیفکیشن جاری
  • بریکنگ :- صدرمملکت کی منظوری کےبعدوزارت قانون وانصاف نےنوٹیفکیشن جاری کیا
  • بریکنگ :- جسٹس عمرعطابندیال 2 فروری کوچیف جسٹس کاعہدہ سنبھالیں گے
  • بریکنگ :- اسلام آباد:جسٹس عمرعطا بندیال سپریم کورٹ کے سینئرترین جج ہیں

عظمیٰ بخاری جیل بھیجیں تو جانے کیلئے تیار ہوں: فیاض الحسن چوہان

Published On 23 November,2021 05:30 pm

لاہور: (دنیا نیوز) صوبائی وزیر وزیر جیل خانہ جات پنجاب فیاض الحسن چوہان نے کہا ہے کہ پاکستان مسلم لیگ ن کی سینئر رہنما عظمیٰ بخاری جیل بھیجیں تو جانے کو تیار ہوں۔

تفصیلات کے مطابق صوبائی وزیر جیل خانہ جات پنجاب فیاض الحسن چوہان نے سماجی رابطے کی ویب سائٹ ٹویٹر پر ایک ویڈیو جاری کی جس میں دیکھا جا سکتا ہے کہ مسلم لیگ ن کی رہنما اور پی ٹی آئی کے رہنما آپس میں خوشگوار ماحول میں بات چیت کر رہے ہیں۔ عظمیٰ بخاری کے ہمراہ لیگی رہنما حناپرویز بٹ بھی موجود تھیں۔

اس دوران پنجاب اسمبلی کے باہر فیاض الحسن چوہان اور عظمی بخاری کے درمیان دلچسپ نوک جھوک بھی ہوئی۔

رہنما (ن) لیگ عظمیٰ بخاری نے کہا کہ چوہان صاحب، جیل میں اپنے لیے سیل بنالیں جس پر فیاض الحسن چوہان نے کہا کہ عظمیٰ بخاری اگر جیل بھیجیں تو جیل جانے کو تیار ہوں۔

ٹویٹر پر فیاض الحسن چوہان نے لکھا کہ چیلنج سن کر پاکستان مسلم لیگ ن کی رہنما عظمی بخاری نے وہاں سے نکل جانے میں عافیت سمجھی۔