تازہ ترین
  • بریکنگ :- تجارت سےملک میں ترقی وخوشحالی آتی ہے،چیئرمین ایف بی آر
  • بریکنگ :- ایکس چینج ریٹ سےایف بی آرکابراہ راست تعلق ہے،ڈاکٹراشفاق
  • بریکنگ :- چمن اورطورخم کےبعدسی پیک لائن پرکام شروع ہوگا،چیئرمین ایف بی آر
  • بریکنگ :- پشاور:ہمیں بہت سےچیلنجزکاسامناہے،چیئرمین ایف بی آر

ہماری حکومت ہو گی تو غریب کے شانہ بشانہ کھڑے ہونگے: بلاول بھٹو زرداری

Published On 24 November,2021 04:25 pm

کراچی: (دنیا نیوز) پاکستان پیپلز پارٹی کے چیئر مین بلاول بھٹو زرداری نے کہا ہے کہ پی پی حکومت ہوگی تو ہم غریب کے شانہ بشانہ کھڑے ہونگے۔

کراچی میں تقریب سے خطاب کرتے ہوئے پاکستان پیپلز پارٹی کے چیئر مین کا کہنا تھا کہ ہم سندھ میں انقلاب پرپا کرنے جارہے ہیں۔ ہم نے اس ملک میں غریب کی مدد کرنی ہے۔ پی پی حکومت ہوگی تو ہم غریب کے شانہ بشانہ کھڑے ہونگے۔ قائدعوام نے بڑے جاگیرداروں سے زمینیں لیکرغریب کسانوں کو دی تھیں۔

انہوں نے کہا کہ بینظیر بھٹو شہید کی حکومت میں لیڈی ہیلتھ ورکرز پروگرام شروع کیا تھا۔ لیڈی ہیلتھ پروگرام پر ملک اور بیرون ممالک میں تنقیدکی گئی پھربعد میں یہی لیڈی ہیلتھ ہروگرام بین الاقوامی سطح پر مانا گیا۔ ہم نے بینظیرانکم سپورٹ پروگرام (بی آئی ایس پی) بنا کرانقلابی کام کیاتھا، پی پی نے ہی وسیلہ حق۔وسیلہ روزگار شروع کیا تھا۔