تازہ ترین
  • بریکنگ :- سندھ بلدیاتی الیکشن،بیلٹ پیپرزکی چھپائی کےدوران بڑی غلطی
  • بریکنگ :- نوابشاہ: پیپلزپارٹی کےامیدوارکومخالف جماعت کاانتخابی نشان الاٹ
  • بریکنگ :- نوابشاہ:یوسی سومرخان میں پیپلزپارٹی امیدوارکوجی ڈی اے کانشان ستارہ الاٹ

'پی ڈی ایم کا یوم پاکستان پر مہنگائی مارچ کا فیصلہ غلط، تاریخ 15 دن آگے پیچھے کرلے'

Published On 07 December,2021 11:18 am

اسلام آباد: (دنیا نیوز) شیخ رشید نے چار ماہ پہلے لانگ مارچ کی کال پر طنز کرتے ہوئے کہا کہ پی ڈی ایم کا یوم پاکستان پر مہنگائی مارچ کا فیصلہ غلط ہے، تاریخ 15 دن آگے پیچھے کرلے، 23 مارچ سے پہلے اسلام آباد کے راستے بند کر دیئے جاتے ہیں۔

وفاقی وزیر داخلہ شیخ رشید نے اسلام آباد میں نیوز کانفرنس کرتے ہوئے کہا کہ اپوزیشن نے یوم پاکستان پر لانگ مارچ کی کال دی، یہ قومی مسئلہ ہے، اپوزیشن کو غور و فکر کی دعوت دیتا ہوں، اسلام آباد کے بعض راستے پریڈ سے پہلے بند کر دیئے جاتے ہیں، اپوزیشن نے لانگ مارچ کیلئے غلط تاریخ متعین کی ہے، اپوزیشن لانگ مارچ کی تاریخ تبدیل کرے۔

شیخ رشید کا کہنا تھا کہ این اے 133 میں شائستہ پرویز نے صرف 10 فیصد ووٹ لیے، مولانافضل الرحمان جن کے پیچھے ہیں، ان کے مقاصد اور ہیں، فضل الرحمان جن کے پیچھے ہیں وہ تو گلوکاری کے ماہر ہیں۔ انہوں نے کہا کہ سیالکوٹ واقعہ کی جتنی مذمت کی جائے کم ہے، واقعہ پاکستان کو اندر سے نقصان پہنچانے کی سازش ہے، سری لنکن سفارتخانے کو سخت ایکشن کی یقین دہانی کرائی ہے۔

وزیر داخلہ نے مزید کہا کہ عمران خان 4 ماہ میں مہنگائی کنٹرول کرنے کی پوزیشن میں ہوں گے، 4 ماہ کے دوران پنجاب میں بلدیاتی انتخابات بھی ہونے ہیں، ایک سالہ حکومتی کارکردگی 14 دسمبر کوپیش کریں گے، سول اور عسکری ادارے ایک پیج پر ہیں، پہلی جماعتیں ہیں جو 4 ماہ کا وقت دے کر کمپنی کی مشہوری کر رہی ہیں، نگران حکومت نہیں آ رہی، عمران خان مدت پوری کریں گے۔