تازہ ترین
  • بریکنگ :- کراچی میں بارشوں کاسلسلہ 24گھنٹےتک جاری رہنےکاامکان
  • بریکنگ :- کراچی:اب تک سب سےزیادہ بارش سرجانی ٹاؤن میں 60ملی میٹرریکارڈ
  • بریکنگ :- کراچی: ایئر پورٹ 13،یونیورسٹی روڈ پر 40 ملی میٹر بارش
  • بریکنگ :- کراچی کادرجہ حرارت 26 سینٹی گریڈ ہے ،محکمہ موسمیات
  • بریکنگ :- کراچی: میمن گوٹھ کے مقام پرملیرندی بپھرگئی
  • بریکنگ :- کراچی: پانی کاریلہ داخل ہونےسے شاہراہ زیرآب
  • بریکنگ :- کراچی: ملیر ملوک ہوٹل سےمیمن گوٹھ جانیوالی ٹریفک معطل

رحمان ملک کورونا وائرس کے باعث آئی سی یو منتقل

Published On 01 February,2022 11:24 pm

اسلام آباد :(دنیا نیوز) پاکستان پیپلز پارٹی کے رہنما اور سابق وزیر داخلہ رحمان ملک کو کورونا وائرس کے باعث آئی سی یو میں منتقل کردیا گیا ہے۔

ذرائع کے مطابق پی پی رہنما رحمان ملک میں بھی عالمی وبا کی تشخیص ہوئے اور ان کو نجی ہسپتال میں داخل کروادیا گیا ہے۔

رحمان ملک کے خاندانی ذرائع کےمطابق سابق وزیر داخلہ کے پھیپھڑے کورونا وائرس سے متاثر ہوئے، پیپلزپارٹی کے رہنما کی علاج کے بعد کورونا رپورٹ نیگیٹو آئی تھی۔

کورونا کی پانچویں لہر مزید 32 جانیں لے گئی، 24 گھنٹے کے دوران 5327 کیسز

 ملک میں کورونا کے پھیلاؤ نے پھر خطرے کی گھنٹی بجا دی، چوبیس گھنٹے کے دوران مثبت کیسز کی شرح نو اعشاریہ چھ پانچ فیصد ریکارڈ کی گئی۔ کورونا وائرس سے 32 افراد جاں بحق ہوگئے، جس کے بعد اموات کی تعداد 29 ہزار 301 ہوگئی۔ پاکستان میں کورونا کے تصدیق شدہ کیسز کی تعداد 14 لاکھ 30 ہزار 366 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 5 ہزار 327 نئے کیسز رپورٹ ہوئے، پنجاب میں 4 لاکھ 80 ہزار 421، سندھ میں 5 لاکھ 43 ہزار 170، خیبرپختونخوا میں ایک لاکھ 94 ہزار 887، بلوچستان میں 34 ہزار 417، گلگت بلتستان میں 10 ہزار 703، اسلام آباد میں ایک لاکھ 28 ہزار 429 جبکہ آزاد کشمیر میں 38 ہزار 339 کیسز رپورٹ ہوئے۔

ملک بھر میں اب تک 2 کروڑ 50 لاکھ 73 ہزار 585 افراد کے ٹیسٹ کئے گئے، گذشتہ 24 گھنٹوں کے دوران 55 ہزار 202 نئے ٹیسٹ کئے گئے، اب تک 12 لاکھ 95 ہزار 390 مریض صحتیاب ہوچکے ہیں جبکہ ایک ہزار 500 مریضوں کی حالت تشویشناک ہے۔

پاکستان میں کورونا سے ایک دن میں 32 افراد جاں بحق ہوئے، جس کے بعد وائرس سے مرنے والوں کی تعداد 29 ہزار 301 ہوگئی۔ پنجاب میں 13 ہزار 176، سندھ میں 7 ہزار 829، خیبرپختونخوا میں 6 ہزار 2 اسلام آباد میں 980، بلوچستان میں 368، گلگت بلتستان میں 188 اور آزاد کشمیر میں 758 مریض جان سے ہاتھ دھو بیٹھے۔