اسلام آباد: (دنیا نیوز) محکمہ موسمیات نے آج پنجاب، خیبرپختونخوا میں بارش کی پیشگوئی کی ہے۔ کشمیر اور گلگت بلتستان میں بھی بادل برسنے کا امکان ہے۔ کراچی میں تیز ہوائیں اور آندھی چلنے کی توقع ہے۔
موسم کا حال بتانے والوں کے مطابق آج لاہور، گوجرانوالہ اور دیگر علاقوں میں بارش جبکہ جنوبی پنجاب میں گرد آلود ہوائیں چلنے کا امکان ہے۔ پشاور سمیت صوبے کے دیگر علاقوں میں بھی بارش اور بالائی علاقوں میں برفباری کی توقع ہے۔ کراچی میں آندھی چلنے کی پیشگوئی ہے۔ ہواوٴں کی رفتار 54 کلومیٹر فی گھنٹہ کو بھی چھوسکتی ہے، تیز ہواؤں کی وجہ سے کمزور انفرا اسٹرکچر کو نقصان ہوسکتا ہے۔
