لاہور: (دنیا نیوز) وزیراعلیٰ پنجاب حمزہ شہباز کی جہانگیر ترین کے گھر آمد، انہون نے جہانگیر ترین کی صحت یابی پر نیک خواہشات کا اظہار کیا۔
حمزہ شہباز نے سیاسی تعاون کرنے پر جہانگیر ترین گروپ کا شکریہ ادا کیا۔ وزیراعلیٰ پنجاب حمزہ شہباز اور جہانگیر ترین کی ملاقات میں پنجاب میں حکومت سازی کے معاملات پر بات چیت کی گئی۔
قبل ازیں جہانگیر ترین کی رہائش گاہ پر ترین گروپ کا اجلاس ہوا، لندن سے واپسی پر جہانگیر ترین سے گروپ کے رہنماؤں نے ملاقات کی۔ ترین گروپ کے رہنماؤں نے جہانگیر ترین کی صحت یابی پر نیک خواہشات کا اظہار کیا۔ اجلاس میں جہانگیر ترین کے صاحبزادے علی ترین بھی موجود تھے۔
