اسلام آباد: (دنیا نیوز ) چیئرمین تحریک انصاف عمران خان نے قومی اسمبلی کے ضمنی انتخابات میں حصہ نہ لینے کا فیصلہ کیا ہے ۔
ذرائع کے مطابق عمران خان کی بجائے سابق ارکان اسمبلی ہی انتخابات لڑیں گے ، الیکشن کمیشن نے 33 ضمنی انتخابات کے حلقوں میں 16 مارچ کو الیکشن شیڈول جاری کر رکھا ہے۔
ذرائع کا کہنا ہے کہ پہلے فیصلہ ہوا تھا کہ چیئرمین تحریک انصاف ضمنی انتخابات میں خود حصہ لیں گے ، چیئرمین تحریک انصاف نے موجودہ صورتحال کے پیش نظر فیصلہ تبدیل کر لیا ہے ۔
یہ بھی پڑھیں : قوم پر مسلط کردہ امپورٹڈ سرکار کو ہرگز تسلیم نہیں کرتا: عمران خان
ذرائع کے مطابق سابقہ ارکان کو ضمنی انتخاب میں حصہ لینے کی ہدایت کر دی گئی ہے جبکہ چیئرمین تحریک انصاف نے سابقہ ارکان کو کاغذات نامزدگی جمع کرانے کی بھی ہدایت کی ہے ۔
یہ بھی پڑھیں: عمران خان ضمنی الیکشن سے دستبردار، کاغذات نامزدگی واپس لے لیے
یاد رہے کہ گزشتہ روز عمران خان نے راجن پور کے حلقہ این اے 193 کے ضمنی الیکشن سے دستبردار ہونے کا فیصلہ کیا تھا ، چیئرمین تحریک انصاف نے کاغذات نامزدگی واپس لے لیے تھے ۔
