اسلام آباد: (دنیا نیوز) وفاقی حکومت نے چیئرمین نیب آفتاب سلطان کے استعفیٰ کے منظوری دے دی۔
وزارت قانون نے استعفیٰ منظور کرنے کا نوٹیفکیشن جاری کر دیا، نوٹیفکیشن کے مطابق آفتاب سلطان کا استعفیٰ 15 فروری سے منظور کیا گیا۔
یہ بھی پڑھیں:دباؤ کےسامنے جھکا نہیں،کہا گیا فلاں کےبھائی کوچھوڑ دو،فلاں کوپکڑلو:آفتاب سلطان
واضح رہے کہ آفتاب سلطان نے نیب میں مبینہ مداخلت پر استعفیٰ دیا تھا، اپنے الوداعی خطاب میں ان کا کہنا تھا کہ نیب ایک اچھا ادارہ ہے صرف ایک فیصد لوگ غلط کام کر رہے ہیں، نیب افسران ان ایک فیصد لوگوں کی بات نہ مانیں۔
ان کا کہنا تھا کہ مجھ سے یہ نہیں ہوتا کہ یہ زمین دلا دیں یا فلاں کے بھائی کو چھوڑ دو، دوسرے کیخلاف کیسز بنواتے ہیں خود 10،10 ارب بیرون ملک رکھے ہوئے ہیں، ایک ایک پلاٹ والے کو کہا جاتا ہے اندر کر دو، اربوں روپے والے باہر ہیں۔
