پاکستان
خلاصہ
- لاہور: (دنیا نیوز) 3 مقدمات میں عمران خان کی حفاظتی ضمانت کی درخواستوں کو آج ہی سماعت کیلئے مقرر کرنے کے معاملہ پر ایڈیشنل رجسٹرار اور پی ٹی آئی رہنماؤں میں دلچسپ مکالمہ بازی ہوئی۔
ایڈیشنل رجسٹرار نے گفتگو کرتے ہوئے کہا کہ حفاظتی ضمانت کا اصول ہے کہ ملزم پہلے عدالت میں موجود ہو، تمام ججز گھر جا چکے ہیں آپ کی درخواستوں کیلئے ججز واپس آئیں گے، پہلے آپ عمران خان کو لیکر لاہور ہائیکورٹ پہنچیں پھر ہم درخواستیں سماعت کیلئے مقرر کریں گے، پہلے بھی آپ نے درخواست مقرر کرواکر عمران خان کو پیش نہیں کیا تھا۔
یہ بھی پڑھیں: تحریک انصاف کا ریلی روکنے پر پولیس اور لاہور انتظامیہ کیخلاف ہائی کورٹ سے رجوع
پی ٹی آئی وکیل نے جواب میں کہا کہ آپ پہلے ہماری دفعہ 144 کے نفاذ کے خلاف درخواست کو مقرر کر دیں، زمان پارک کو چاروں اطراف سے پولیس نے گھیر رکھا ہے، دفعہ 144 کے نفاذ کے خلاف پٹیشن کو آج ہی سماعت کیلئے مقرر کیا جائے۔
