لاہور: (دنیا نیوز) لاہور ہائیکورٹ نے سابق وزیراعلیٰ پنجاب چودھری پرویز الہٰی کے گھر چھاپے کو غیر قانونی قرار دینے کی درخواست پر فریقین کے وکلاء سے دلائل طلب کر لئے۔
لاہور ہائیکورٹ کے جسٹس سردار سرفراز ڈوگر نے راسخ الہٰی کی درخواست پر سماعت کی۔
دوران سماعت اینٹی کرپشن نے اپنا جواب عدالت میں داخل کروایا، درخواست گزار کے وکیل نے جواب الجواب کے لئے مہلت مانگ لی۔
عدالت نے راسخ الہٰی کے وکیل کی استدعا کو منظور کرتے ہوئے سماعت 18 مئی تک ملتوی کر دی۔
یاد رہے کہ درخواست گزار نے ظہور پیلس میں چھاپے کو غیر قانونی قرار دینے اور درج مقدمات کی تفصیلات فراہم کرنے کی استدعا کر رکھی ہے۔
