کراچی : ( دنیا نیوز ) الیکشن کمیشن آف پاکستان ( ای سی پی ) نے سندھ پولیس کے افسران کی تقرریوں اور تبادلوں کا نوٹس لے لیا۔
الیکشن کمیشن کے مطابق سندھ پولیس میں گریڈ 18 اور 19 افسران کے تبادلوں کی اطلاعات ملی ہیں، یہ تقرریاں اور تبادلے الیکشن رولزکی خلاف ورزیاں ہیں۔
الیکشن کمیشن نے کہا کہ انسپکٹر جنرل ( آئی جی ) سندھ تقرریاں اور تبادلوں کے تمام احکامات واپس لیں۔
الیکشن کمیشن کی جانب سے مزید کہا گیا کہ الیکشن شیڈول جاری ہونے کے بعد کوئی تقرری اور تبادلے نہیں ہوسکتے۔
