اسلام آباد: (دنیا نیوز) پولیس نے پاکستان تحریک انصاف کے گرفتاری سے بچ جانے والے رہنماؤں کے نام ای سی ایل میں ڈالنے کے لیے وزارت داخلہ کو درخواست دے دی۔
پولیس کی جانب سے راجہ خرم نواز، اخلاق اعوان اور علی اعوان کا نام ای سی ایل میں شامل کرنے کی درخواست کی گئی ہے۔
اسلام آباد پولیس نے ملک حسنین اور ملک عامر علی کا نام بھی ای سی ایل میں ڈالنے کی سفارش کی ہے، پولیس کا کہنا ہے کہ خدشہ ہے کہ ملزمان گرفتاری سے بچنے کیلئے ملک سے فرار ہوسکتے ہیں۔
پولیس نے وزارت داخلہ کو باقاعدہ درخواست کی کہ ملزمان کے نام ای سی ایل میں ڈالے جائیں تاکہ انہیں بیرون ملک فرار ہونے سے روکا جا سکے۔
