راولپنڈی: (دنیا نیوز) سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ قوم نے ہمت نہیں ہارنی ہارتا وہی ہے جو ہار مانتا ہے، صدا دن ایک جیسے نہیں رہتے فتح عوام کی ہوگی۔
سماجی رابطے کی ویب سائٹ ٹوئٹر پر شیخ رشید کا کہنا تھا کہ حکمران خوشحال ہوگئے عوام بدحال ہوگئی، صدا دن ایک جیسے نہیں رہتے فتح عوام کی ہوگی، موت کے منہ سے بھی کامیابی چھینیں گے، جو پولیس کے عقوبت خانوں میں جیل کے زندانوں میں بخشی خانوں میں بے گناہ بند ہیں اللہ ان کی مدد فرمائے ان کےوالدین کو ہمت وحوصلہ عطا کرے۔
حکمران خوشحال ہوگئےعوام بدحال ہوگئی قوم نےہمت نہیں ہارنی ہارتا وہی ہےجوہارمانتا ہےسدادن ایک جیسےنہیں رہتےفتح عوام کی ہوگی موت کےمنہ سےبھی کامیابی چھینیں گےجو پولیس کےعقوبت خانوں میں جیل کےزندانوں میں بخشی خانوں میں بےگناہ بندہیں اللہ انکی مددفرمائے انکےوالدین کوہمت وحوصلہ عطاکرے
— Sheikh Rashid Ahmed (@ShkhRasheed) June 29, 2023
سابق وفاقی وزیر نے کہا کہ ساری قوم کو عید الاضحیٰ مبارک ہو، زندگی میں پہلی دفعہ قربانی خریدنا، قربانی دینا، لیاقت باغ میں ہمیشہ کی طرح عید کی نماز پڑھنا اور لال حویلی میں سارا دن حلقہ احباب سے عید ملنا مشکل بنا دیا گیا ہے۔
سربراہ عوامی مسلم لیگ کا مزید کہنا تھا کہ بڑا وہی ہوتا ہے جس کا ظرف بڑا ہوتا ہے، بعض چھوٹے لوگ بڑے گھروں میں آ گئے ہیں جو کہ انجام کو پہنچیں گے۔
