لاہور: (دنیا نیوز) 9 مئی کے شرپسندانہ واقعات میں ملوث ایک اور مرکزی ملزم عمر فاروق کے والد کا اعترافی بیان سامنے آگیا۔
شرپسند عمر فاروق کے والد نے 9 مئی کے واقعات کی شدید الفاظ میں مذمت کی اور اپنے بیٹے کی حرکات پر شرمساری کا اظہار کیا ہے۔
ملزم عمر فاروق کے والد نے اپنے بیان میں کہا ہے کہ ہم سب گھر والے 9 مئی کے سانحہ کی پرزور مذمت کرتے ہیں، ہمارے بیٹے کو چیئرمین تحریک انصاف کے کارکنان نے اپنے ساتھ احتجاج کیلئے اکسایا۔
شرپسند کے والد کا کہنا تھا کہ چیئرمین پی ٹی آئی کے اپنے بیٹے لندن میں آزادی سے زندگی بسر کر رہے ہیں اور ہمارے بیٹے کو ورغلا کر بغاوت پر لگا دیا ہے۔
انہوں نے مزید کہا کہ پاکستان اور پاک فوج ہماری ریڈ لائن اور فخر ہے، ہم سب پاک آرمی کے ساتھ ہیں۔
