خلاصہ
- لاہور: (دنیا نیوز) پاکستان پیپلز پارٹی کے شریک چیئرمین اور سابق صدر آصف علی زرداری اور بلاول بھٹو زرداری نے خیبرپختونخوا سے پارٹی رہنما لیاقت شباب کے انتقال پرافسوس کا اظہار کیا ہے۔
پیپلز پارٹی کے ٹویٹراکاؤنٹ پرجاری بیان میں آصف علی زرداری نے لیاقت شباب کے انتقال پر ان کے خاندان سے ہمدردی اور تعزیت کا اظہارکیا اور مرحوم کی مغفرت اور بلند درجات کیلئے دعا کی۔
آصف علی زرداری کا کہنا تھا کہ لیاقت شباب مرحوم کی پارٹی کے لئے خدمات ہمیشہ یاد رہیں گی۔
سابق صدر آصف علی زرداری کا پیپلزپارٹی خیبر پختونخواہ کے رہنما لیاقت شباب کے انتقال پر اظہارِ افسوس
— PPP (@MediaCellPPP) July 4, 2023
صدر آصف علی زرداری کا لیاقت شباب کے انتقال پر ان کے خاندان سے ہمدردی اور تعزیت کا اظہار
لیاقت شباب مرحوم کی پارٹی کے لیئے خدمات یاد رہیں گی، صدر آصف علی زرداری
صدر آصف علی…
دوسری جانب چیئرمین پیپلز پارٹی بلاول بھٹو زرداری نے لیاقت شباب کے انتقال پر دکھ اور افسوس کا اظہار کرتے ہوئے سوگوار خاندان سے دلی تعزیت وہمدردی کا اظہار کیا۔
Deeply saddened by the untimely demise of @ShababLiaqat, President of PPP Peshawar. His dedication, passion, and unwavering commitment to the party and democracy will always be remembered. Our thoughts and prayers are with his family and PPP comrades during this difficult time
— BilawalBhuttoZardari (@BBhuttoZardari) July 5, 2023
بلاول بھٹو نے کہا کہ لیاقت شباب مرحوم پارٹی کا اثاثہ تھے، ان کی پارٹی کے لیے خدمات کبھی فراموش نہیں کی جائیں گی، دعاگو ہوں، اللہ تعالیٰ مرحوم کو جنت الفردوس میں اعلیٰ مقام اور لواحقین کو صبر جمیل عطا فرمائے۔
