سابق رکن بلوچستان اسمبلی سرفراز ڈومکی ساتھیوں سمیت پیپلز پارٹی میں شامل

Published On 30 November,2023 08:44 pm

کوئٹہ: (دنیا نیوز) پاکستان پیپلزپارٹی پارلیمنٹیرینز کے صدر آصف علی زرداری کی جناح ٹاؤن میں ملک شاہ ہاؤس آمد، آصف علی زرداری سے ملاقات کے بعد بلوچستان حکومت کے سابق وزیر سرفراز ڈومکی پی پی پی میں شامل ہو گئے۔

یہ بھی پڑھیں: سابق وزیر اعلیٰ بلوچستان ساتھیوں سمیت پاکستان پیپلز پارٹی میں شامل

سابق صدر مملکت آصف علی زرداری سے ملاقات کے بعد سابق رکن بلوچستان اسمبلی سرفراز ڈومکی کے ہمراہ نصیب اللہ مری، میر حربیار ڈومکی، لیاقت لہڑی، ولی خان اچکزئی،علاؤالدین کاکڑ و دیگر بھی پی پی پی میں شامل ہو گئے۔

آصف زرداری کے ساتھ نواب ثنااللہ زہری، عبدالقادر بلوچ، سربلند جوگیزئی، عارف حسنی، عمر گورگیج، ظہور بلیدی، نور احمد بنگلزئی، ندیم خان، ملک شاہ گورگیج، علی مدد جتک، غلام رسول عمرانی، بلال مندوخیل و دیگر موجود تھے۔

سابق صدر نے بلوچستان عوامی پارٹی، پی ٹی آئی اور مسلم لیگ ن سے پی پی پی میں شامل ہونے والے سیاسی رہنماؤں کو خوش آمدید کہا۔

Advertisement