لاہور: ( ویب ڈیسک) محکمہ موسمیات نے پیش گوئی کی ہے کہ آئندہ 24 گھنٹوں کے دوران صوبائی دارالحکومت لاہور سمیت پنجاب کے بیشتر میدانی علاقوں میں موسم شدید گرم رہے گا جبکہ چند مقامات پر آندھی،جھکڑ چلنے اور گرج چمک کے ساتھ بارش کا امکان ہے۔
ترجمان محکمہ موسمیات کے مطابق گزشتہ 24 گھنٹوں کے دوران پنجاب سمیت بیشتر میدانی علاقے شدید گرمی کی لپیٹ میں رہے۔
رپورٹ کے مطابق لاہور میں کم سے کم درجہ حرارت 28 جبکہ زیادہ سے زیادہ 46 سینٹی گریڈ ریکارڈ کیا گیا، ہوا میں نمی کا تناسب 10 فی صد رہا۔
لاہور میں آلودگی کی مجموعی شرح 81 فیصد رہی، اسی طرح شہر کے دیگر علاقوں یو ایس قونصلیٹ 137، پاکستان انجینئرنگ سروسز 212، ذکی فارمز میں ایئر کوالٹی انڈیکس 90 ریکارڈ کیا گیا۔
اسی طرح سید مراتب علی روڈ 77، ریونیو سوسائٹی 88، سی ای آر پی آفس 81، جو ہر ٹاؤن اے بلاک 85 اور یو ایم ٹی میں 79 ایئر کوالٹی انڈیکس ریکارڈ کیا گیا۔
