جسٹس امین الدین خان اور جسٹس نعیم اختر افغان پر مشتمل سپریم کورٹ کے 2 رکنی بنچ نے این اے 97 فیصل آباد میں دوبارہ گنتی سے متعلق درخواست پر سماعت کی۔

پی ٹی آئی کے امیدوار سعد اللہ بلوچ کے وکیل لطیف کھوسہ نے عدالت سے مقدمے کی سماعت میں التواء کی درخواست کی۔

دوران سماعت مسلم لیگ ن کے امیدوار علی گوہر بلوچ کے وکیل نے عدالت کو بتایا کہ 8 فروری کے انتخابات میں این اے 97 میں 9 ہزار سے زائد ووٹ مسترد ہوئے، ریٹننگ افسر کو نتیجہ فائنل کرنے سے پہلے دوبارہ گنتی کی درخواست دی۔

وکیل حسن رضا پاشا نے کہا کہ ریٹرننگ افسر نے درخواست پر دوبارہ گنتی نہیں کرائی، سپریم کورٹ نے حال ہی میں دوبارہ گنتی کے معاملے پر فیصلہ دیا ہے۔

اس پر سپریم کورٹ کے جج جسٹس امین الدین خان نے کہا کہ ریٹرننگ افسر کے رزلٹ میں سعد اللہ بلوچ کامیاب ہوئے تھے۔

بعدازاں عدالت نے التواء کی استدعا منظور کرتے ہوئے مقدمہ کی سماعت 21 اگست تک ملتوی کردی۔