حیدرآباد: (دنیا نیوز) کوٹری ریلوے سٹیشن کے قریب سکھر ایکسپریس کی 2 بوگیاں پٹری سے اترگئیں۔
ریلوے حکام کے مطابق حادثے کے بعد ٹرینوں کی آمدورفت معطل ہوگئی، دیگر مسافر ٹرینوں کو متعدد سٹیشنز پر روک لیا گیا تاہم حادثے میں کوئی جانی نقصان نہیں ہوا، بوگیاں اترنے کی وجہ معلوم نہیں ہو سکی۔
حکام کا کہنا ہے کہ مسافر ٹرین کی دونوں متاثرہ بوگیاں ٹرین سے علیحدہ کر دی گئی ہیں، ڈاؤن ٹریک کی بحالی کا کام جاری ہے جسے جلد مکمل کر لیا جائے گا۔
