اسلام آباد: (دنیا نیوز) حریت رہنما یاسین ملک کی اہلیہ مشعال ملک نے کہا ہے کہ ہمارے جھنڈے کی خوبصورتی اقلیتوں کے بغیر ادھوری ہے۔
ایسٹر کے موقع پر میڈیا سے گفتگو کرتے ہوئے مشعال ملک کا کہنا تھا کہ دنیا بھر میں افراتفری ہورہی ہے، ضرورت ہے کہ ہمارے درمیان رواداری ہو، تقسیم ہند کے وقت کرسچن کمیونٹی کے رہنماؤں نے کردار ادا کیا۔
انہوں نے کہا کہ سپریم کورٹ میں بھی مشہور جج کرسچن کمیونٹی سے ہی تھے، آپ آر ایس ایس کا ہندوستان دیکھ سکتے ہیں۔
ان کا کہنا تھا کہ نریندر مودی مساجد کو شہید اور مسلمانوں پر ظلم کر رہا ہے، دنیا میں مذہب کے نام پر شدت پسندی پائی جاتی ہے، ہندوستان میں ہمارے مسلمان اور کرسچن بھائی خوفزدہ ہیں۔
مشعال ملک نے کہا کہ آج ایسٹر کے موقع پر دنیا میں امن کا پیغام جانا چاہیے، فلسطین اور کشمیر میں ظلم وبربریت جاری ہے۔
