مظفر آباد : (دنیا نیوز) امریکا کے بین الاقوامی ایوارڈ یافتہ صحافی نے پہلگام فالز فلیگ آپریشن کے پیش نظر ایل او سی کا دورہ کیا اور بھارتی فوج کی جانب سے جعلی مقابلے میں شہید کئے گئے افراد کے اہل خانہ سے انٹرویو کئے۔
آزاد کشمیر کے گاؤں سرجیوار سے تعلق رکھنے والے شہداء محمد فاروق اور محمد دین کے لواحقین نے سی این این کے ایڈیٹر نک رابرٹسن پر دل دہلا دینے والے انکشافات کئے جس پر نک نے عینی شاہدین سے بھی انٹرویو کئے اور بھارتی فوج کے مظالم کے متعلق معلومات حاصل کیں۔
دفاعی ماہرین نے بتایا ہے کہ امریکی ٹی وی سی این این کے ایڈیٹر کا دورہ ظاہر کرتا ہے کہ بھارتی فوج کی جانب سے جعلی مقابلے بین الاقوامی سطح کا مسئلہ بن چکا ہے۔
یاد رہے کہ بھارتی فوج نے 24 اپریل 2025 کو آزاد کشمیر کےمحمد فاروق شہید اور محمد دین شہید کو جعلی مقابلے میں شہید کر دیا تھا۔
