راولپنڈی: (دنیا نیوز) ترجمان پاک فوج لیفٹیننٹ جنرل احمد شریف چودھری نے کہا ہے کہ پاکستان ذمہ دار ریاست کی حیثیت سے خطے میں امن کا داعی ہے۔
ڈی جی آئی ایس پی آر لیفٹیننٹ جنرل احمد شریف چودھری نے نیویارک ٹائمز سے گفتگو کرتے ہوئے کہا کہ بھارت نے نور خان ایئربیس سمیت دیگر مقامات کو نشانہ بنایا۔
لیفٹیننٹ جنرل احمد شریف چودھری نے کہا ہے کہ دونوں ممالک کے اعلیٰ عسکری افسران کے درمیان رابطہ موجود ہے اور ایک مؤثر مکینزم فعال ہے، پاکستان کی فضائی صلاحیت مکمل طور پر بحال اور فعال ہے۔
ڈی جی آئی ایس پی آر نے کہا ہے کہ پاکستان نے اپنے جانی و مالی نقصانات کے بارے میں شفافیت دکھائی مگر کیا بھارت بھی اتنی دیانتداری کا مظاہرہ کر رہا ہے؟
اس موقع پر نیویارک ٹائمز کی جانب سے کہا گیا ہے کہ بھارت کی جانب سے 7 مئی کو یکطرفہ میزائل حملے کے بعد پاکستان نے تحمل کا مظاہرہ کرتے ہوئے اپنے دفاع تک محدود کارروائیاں کیں، پاک فضائیہ نے مؤثر جوابی کارروائی میں بھارت کے 6 جنگی طیارے مار گرائے۔
نیو یارک ٹائمز کی جانب سے مزید کہا گیا ہے کہ پاکستان نے سیز فائر کا احترام کر کے ذمہ داری دکھائی مگر بھارت کی اشتعال انگیزی بدستور جاری ہے۔
