اسلام آباد: (دنیا نیوز) سابق مشیر امریکی قومی سلامتی کے پاکستان کے جوہری ہتھیاروں سے متعلق بیان پر ترجمان دفتر خارجہ کا ردعمل سامنے آگیا۔
دفتر خارجہ کے ترجمان نے بتایا کہ پاکستان اپنی نیوکلیئر سکیورٹی سسٹم کے کمانڈ اینڈ کنٹرول کے حوالے سے پر اعتماد ہے، جان بولٹن کے ریماکس راج ناتھ سنگھ کے بیان کے بعد آئے، راج ناتھ سنگھ ایک ہندو انتہا پسند تنظیم کے رہنما ہیں، راج ناتھ سنگھ نے پاکستان کے خلاف جارحیت کی بار بار دھمکیاں دی ہیں۔
ترجمان نے مزید بتایا کہ عالمی برادری کو بھارت کے جوہری ہتھیاروں سے متعلق فکر ہونی چاہئے، بھارتی جوہری ہتھیار راج ناتھ سنگھ جیسے لوگوں کے کنٹرول میں ہونا تشویشناک ہے، راج ناتھ سنگھ پاکستان اور مسلمانوں کے خلاف دشمنی رکھتے ہیں۔
دفتر خارجہ کے ترجمان نے کہاکہ ہندوستان کی انتہا پسندی نے جوہری سلامتی کے خدشات کو جنم دیا ہے، بھارت میں نیوکلیئر بلیک مارکیٹ کے ہونے سے خدشات مزید بڑھ گئے ہیں۔
ان کا مزید کہنا تھا کہ بھارت کی جوہری بلیک مارکیٹ نیوکلیئر سکیورٹی سسٹم میں خامیوں کی نشاندہی ہے۔
