اسلام آباد: (دنیا نیوز) پاک بحریہ نے نیوی ڈے کی مناسبت سے خصوصی ویڈیو جاری کی ہے جو معرکہ حق میں بحری محاذ پر موجودگی اور قربانیوں کی عکاس ہے۔
ترجمان پاک بحریہ کے مطابق ویڈیو میں دکھایا گیا ہے کہ کس طرح پاک بحریہ نے ہر جہت سے دشمن پر زیرک نگرانی جاری رکھی اور مستحکم حکمتِ عملی کے باعث دشمن زیر رہا۔
خصوصی ویڈیو پاک بحریہ کے آہنی عزم، بلند حوصلوں اور مادرِ وطن کی پاسبانی کے جذبے کی کہانی سناتی ہے، پاکستان نیوی نے 1965 اور 1971 کی جرات مندانہ میراث کو آج بھی برقرار رکھا ہوا ہے۔
