سماجی رابطے کی ویب سائٹ ’ایکس‘پر جاری اپنے ایک بیان میں عظمیٰ بخاری کا کہنا تھا کہ یہ اڈیالہ جیل ہے زمان پارک یا پاکپتن کا پیر خانہ نہیں، جہاں ہر ہفتے بمہ اہل و عیال اور چند کرائے کے لوگوں کے ساتھ تو تماشا لگایا جاتا ہے۔

— Azma Zahid Bokhari (@AzmaBokhariPMLN) January 14, 2026

 اُنہوں نے کہا کہ اڈیالہ جیل کے باہر ان کی پارٹی کا کوئی عہدے دار نہیں پہنچتا خواتین کو ڈھال کے طور پر استعمال کیا جاتا ہے، پولیس ہمیشہ صبر و تحمل کا مظاہرہ کرتی ہے۔

پہ بھی پڑھیں: منفی سیاست کرنے والوں کا ترقی اور خوشحالی سے کوئی تعلق نہیں: عظمیٰ بخاری

صوبائی وزیر اطلاعات ونشریات کا کہنا تھا کہ پولیس تب ہی حرکت میں آتی ہے جب قانون کی خلاف ورزی کی جاتی ہے، آپ پولیس کے ساتھ بدتمیزی کریں ہاتھا پائی کریں تو کیا پولیس آپ کا منہ دیکھتی رہے گی؟ اپنے ہر گناہ کا الزام مریم نواز پر لگانا بند کریں۔

 عظمیٰ بخاری نے کہا کہ اگر آپ کے لیڈر کی خاطر لوگ باہر نہیں نکلتے تو اس میں مریم نواز کیا قصور ہے؟ جو خود کو مقبول ترین سمجھتا تھا اب وہ فضول ترین بن چکا ہے، آئیں اور قانون کا درس وہ دے رہے ہیں جو خود مطلق العنان بنتے تھے۔

اُن کا کہنا تھا کہ آئیں کی حکمرانی اور انسانی حقوق کی خلاف ورزیاں جیسے کارڈ کھیلنا بند کریں، جس نے قانون کو ہاتھ میں لیا ہے وہ کٹہرے میں کھڑا ہوگا وہ چاہیے کوئی بھی ہو۔