رپورٹ کے مطابق کل ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہنے کا امکان ہے۔

محکمہ موسمیات کے مطابق صبح کے اوقات میں شمال مشرقی پنجاب کے اضلاع میں چند مقامات پر دھند کی توقع ہے۔

خیبرپختونخوا، کشمیر، بالائی پنجاب، اسلام آباد، شمال مشرقی بلوچستان اور گلگت بلتستان میں اکثر مقامات پرتیز ہواؤں اور گرج چمک کے ساتھ بارش اور پہاڑوں پر برفباری ہوئی، ملک کے دیگر علاقوں میں موسم سرد اور مطلع جزوی ابر آلود رہا۔

آج کم سے کم درجہ حرارت لہہ، مالم جبہ، پاڑاچنار، گوپس منفی7، بگروٹ منفی 6، کالام، استور اور راولا کوٹ میں منفی 5 ڈگری سینٹی گریڈ ریکارڈ کیا گیا۔

رپورٹ کے مطابق اسلام آباد کم سے کم درجہ حرارت 6، کوئٹہ منفی ایک، قلات منفی 3، مری منفی 3، لاہور 9، کراچی 13، پشاور 7، دیر منفی 3، چترال منفی 1، مظفر آباد میں 2 سینٹی گریڈ ریکارڈ کیا۔