پاکستان
خلاصہ
- کوئٹہ: (دنیا نیوز) صوبائی حکومت اور گرینڈ الائنس کے درمیان کامیاب مذاکرات کے بعد کوئٹہ اور مچھ کی جیلوں میں قید گرینڈ الائنس کے 100 سے زائد رہنماؤں کو رہا کر دیا گیا۔
رہا ہونے والے افراد میں گرینڈ الائنس کے اہم رہنما قدوس کاکڑ بھی شامل ہیں۔
ذرائع کے مطابق گرینڈ الائنس کے رہنماؤں کو 20 اور 21 جنوری کو مختلف احتجاجی سرگرمیوں کے دوران گرفتار کیا گیا تھا، گرفتار افراد کا تعلق کوئٹہ سمیت بلوچستان کے مختلف اضلاع سے تھا، جنہیں بعد ازاں کوئٹہ اور مچھ کی جیلوں میں منتقل کیا گیا۔
مذاکرات کے نتیجے میں گرینڈ الائنس نے مڈل سٹینڈرڈ امتحانات کے بائیکاٹ کا اعلان بھی واپس لے لیا، رہنماؤں کی رہائی پر کارکنوں اور لواحقین کی جانب سے اطمینان کا اظہار کیا جا رہا ہے۔
حکومتی حکام کا کہنا ہے کہ معاملات کو بات چیت کے ذریعے حل کرنا خوش آئند ہے اور آئندہ بھی مسائل کے حل کیلئے مذاکرات کا راستہ اپنایا جائے گا۔
