عون چودھری نے مولانا فضل الرحمٰن سے شہداء کے لواحقین اور پوری قوم سے معافی مانگنے کا مطالبہ کیا، انہوں نے کہا کہ شہادت تنخواہ سے نہیں، حب الوطنی، ایمان اور جذبۂ قربانی سے ملتی ہے۔

انہوں نے کہا کہ پاک فوج کے جوان وطن کی خاطر اپنی جانوں کا نذرانہ پیش کرتے ہیں، پوری قوم کو ان پر فخر ہے، مولانا فضل الرحمٰن کا بیان شہداء اور ان کے اہلخانہ کی توہین ہے۔

وزیر مملکت کا مزید کہنا تھا کہ پاک فوج اور اس کے شہداء کی قربانیوں کی بدولت پاکستان کو پوری دنیا میں عزت ملی، ہمیں اپنے شہداء پر فخر ہے، انہیں کی قربانیوں کی وجہ سے آج پوری قوم امن و سکون کی زندگی گزار رہی ہے۔