ذرائع کے مطابق ملاقات میں ملک کی مجموعی سیاسی صورتحال، وفاق اور صوبے کے درمیان کشیدگی میں کمی اور دہشت گردی کے مسئلے پر تبادلہ خیال کیا گیا۔

اِسی طرح ذرائع نے بتایا کہ مولانا فضل الرحمان نے خیبرپختونخوا کے حوالے سے وفاقی حکومت کے مجوزہ اقدامات سے اتفاق نہیں کیا اور مؤقف اختیار کیا کہ اس نوعیت کے اقدامات سے دہشت گردی کے خاتمے کی کوئی یقینی ضمانت نہیں دی جا سکتی۔

دوسری ذرائع کا کہنا تھا کہ مولانا فضل الرحمان نے مسئلے کے حل کے لیے سیاسی مشاورت، باہمی اتفاق رائے اور تمام متعلقہ فریقوں کو اعتماد میں لینے کی ضرورت پر زور دیا۔