سروے رپورٹ کے مطابق پنجاب میں 14 عمارتیں انتہائی خطرناک قرار دے دی گئیں جن میں 13 عمارتوں کے خلاف فوری کارروائی کی سفارش کی گئی، فیصل آباد میں ایک عمارت کو انتہائی خطرناک قرار دے دیا گیا۔

رپورٹ میں بتایا گیا کہ خطرناک قرار دی گئی عمارتوں میں رہائش اور کمرشل استعمال پر تشویش ہے، بی کیٹیگری میں 63 عمارتیں شامل ہیں، مسلسل نگرانی کا فیصلہ کیا ہے، بی کیٹیگری عمارتوں کو مرمت یا خالی کرانے کی ہدایت کی جائے گی۔

سروے میں یہ بھی بات سامنے آئی کہ خطرناک عمارتوں سے شہری جان و مال کو سنگین خطرات لاحق ہیں جس پر ضلعی انتظامیہ اور بلدیاتی اداروں کو رپورٹ ارسال کی گئی جس کے بعد خطرناک عمارتوں پر قانونی کارروائی، سیلنگ کا امکان ہے۔

رپورٹ میں فائر سیفٹی اور بلڈنگ بائی لاز کی خلاف ورزیوں کی نشاندہی کی گئی اور شہری علاقوں میں پرانی اور خستہ حال عمارتیں بڑا خطرہ قرار دیا گیا، خطرناک عمارتوں کے مکینوں کی منتقلی کیلئے لائحہ عمل زِیر غور ہیں۔

دوسری جانب ضلعی سطح پر فزیکل انسپیکشن مزید تیز کرنے کی سفارش کی گئی ، پنجاب میں کراچی جیسے سانحات سے بچاؤ کیلئے پیشگی اقدامات شروع کردیے گئے۔