علاقائی
خلاصہ
- گوجرانوالہ: (دنیا نیوز) پنجاب کے ضلع گوجرانوالہ میں ٹرک اور آٹو رکشہ میں تصادم سے 2افراد جاں بحق ہو گئے۔
واقعہ جی ٹی روڈ چیانوالی کے قریب پیش آیا جہاں تیز رفتار ٹرک نے مخالف سمت میں آنے والے آٹو رکشہ کو ٹکر مار دی جس سے رکشہ لٹ گیا اور اُس میں سوار دو افراد موقع پر ہی دم توڑ گئے جب کہ 4 افراد شدید زخمی ہوئے۔
واقعہ کی اطلاع ملنے پر ریسکیو 1122 کا عملہ اور پولیس موقع پر پہنچ گئی، جنہوں نے زخمیوں اور جاں بحق افراد کو ڈی ایچ کیو ہسپتال منتقل کیا۔
دوسری جانب پولیس نے ٹرک قبضے میں لے کر ڈرائیور کے خلاف کارروائی شروع کردی۔
