سیکرٹری فوڈ سیفٹی ڈاکٹر کرن خورشید کے مطابق اوورچارجنگ کے مرتکب 5883 افراد کے خلاف سخت قانونی کارروائی جاری ہے، گراں فروشی پر 73 مقدمات درج کر کے 650 افراد کو گرفتار کر لیا گیا۔

ڈاکٹر کرن خورشید نے کہا ک ناجائز منافع خوری پر ایک کروڑ 16 لاکھ ایک ہزار سے زائد جرمانہ عائد کیا گیا۔

انہوں نے کہا کہ پنجاب بھر میں چکن گوشت فروخت کرنے والے قصابوں کی شامت آگئی ہے، ایک دن میں 4 ہزار 300 سو سے زائد مقامات پر چھاپے مارے گئے۔

سیکرٹری فوڈ سیفٹی کا کہنا تھا کہ برائلر گوشت کے اوور چارجنگ میں ملوث 916 قصابوں کے خلاف ایکشن لیا گیا، چکن گوشت کی ناجائز منافع خوری پر 4 مقدمات درج 55 کو گرفتارکیا گیا۔