تازہ ترین
  • بریکنگ :- سندھ اسمبلی،اپوزیشن ارکان نےاسپیکرڈائس کاگھیراؤکرلیا
  • بریکنگ :- اسپیکرصاحب !ان بکریوں کوچپ کرائیں،پی ٹی آئی رہنمادعابھٹو
  • بریکنگ :- لاڑکانہ میں میت کیلئےایمبولینس دستیاب نہیں،دعابھٹو
  • بریکنگ :- کراچی:تھر کے بچےبھوک سے مررہےہیں،دعابھٹو
  • بریکنگ :- ان کےپاس چین کاانیل کپور ہے،پی ٹی آئی رہنمادعابھٹو
  • بریکنگ :- کراچی:اسپیکرنےدعابھٹوکامائیک بندکردیا

فٹبال فیڈریشن تنازع، کراچی میں جاری قومی چمپئین شپ منسوخ

Published On 01 April,2021 04:49 pm

کراچی: (دنیا نیوز) پاکستان فٹبال فیڈریشن میں تنازع کے بعد اشفاق حسین گروپ نے کراچی میں جاری قومی ویمنز چمپئین شپ منسوخ کر دی ہے۔

خیال رہے کہ فیفا نارملائزیشن کمیٹی کے تحت کراچی میں قومی ویمنز فٹبال چمپئین شپ اشفاق حسین گروپ کے فٹبال ہاؤس لاہور میں حملے کے بعد ملتوی کر دی گئی تھی۔

سابق صدر انجئینر اشفاق حسین گروپ نے ایونٹ کرانے کا اعلان کیا تھا۔ آج سیمی فائنل میچز کھیلے جانے تھے۔ کھلاڑیوں کو فیفا کی جانب سے پابندی کے خطرے نے ٹیموں کو خوفزدہ کردیا جس کے بعد کلبز اور کھلاڑیوں نے ایونٹ کھیلنے سے انکار کر دیا ہے۔

یہ بھی پڑھیں: فٹبال فیڈریشن کے واقعہ سے حکومت کا کوئی تعلق نہیں، فہمیدہ مرزا

گزشتہ روز وفاقی وزیر برائے بین الصوبائی رابطہ ڈاکٹر فہمیدہ مرزا نے کہا تھا کہ فٹبال فیڈریشن کے واقعہ سے حکومت کا کوئی تعلق نہیں، ہم چاہتے ہیں فیفا نارملائیزیشن کمیٹی کو پورا وقت دیا جائے۔

اسلام آباد میں پریس کانفرنس کرتے ہوئے ان کا کہنا تھا کہ ذاتی مفادات کی وجہ سے اسپورٹس کو نقصان ہو رہا ہے، نارملائزیشن کمیٹی کا مینڈیٹ جون تک ہے، ہم نہیں چاہتے کہ فٹبال کا کھیل پاکستان میں متاثر ہو، نارملائزیشن کمیٹی فٹ بال فیڈریشن کے انتخابات کرائے۔

فہمیدہ مرزا نے کہا تھا کہ نئے ڈی جی کو میرٹ پر لایا گیا ہے، میں کسی قسم کے پریشر میں نہیں آؤنگی، چاہتی ہوں جب میری وزارت ختم ہو تو ایک ٹرانسپریٹ نظام دے کر جاؤں، ماضی میں جانے کے بجائے آگے جانا چاہتی ہوں، عدالت اور میڈیا ہمارے ہاتھ مضبوط کرے۔

ان کا کہنا تھا کہ ہمیں کہا جاتا ہے کہ فیڈریشن کے معاملات میں دخل اندازی نہ کی جائے، ہم اپنے ذاتی مفادات میں آکر ملک کو نقصان پہنچاتے ہیں۔ ہم نہیں چاہتے کہ ہمارے بچوں پر کسی طرح کی پابندی آئے۔

انہوں نے بتایا کہ فیفا کو خط لکھا ہے کہ وہ شفاف طریقے سے اس پر کام کرے، فٹبال وہ کھیل ہے جس پر انفراسٹرکچر کی ضرورت نہیں ہوتی، جو بھی مینڈیٹ ملا ہے اس کو حکومت تسلیم کرتی ہے، فیفا کی انتظامیہ سے درخواست ہے کہ ہمیں وقت دیا جائے۔

خیال رہے کہ کھیلوں کے بین الاقوامی ادارے فیفا نے پاکستان فٹبال فیڈریشن کو الٹی میٹم دیا ہے کہ اگر لاہور آفس سے غیر قانونی قبضہ نہ کیا گیا تو اسے بین کر دیا جائے گا۔

فیفا کی جانب سے جاری اعلامیہ میں کہا گیا ہے کہ نارملائزیشن کمیٹی کیساتھ ہونے والے سلوک پر پرزور مذمت کرتے ہیں۔ معاملے کو بیورو آف کونسل میں اٹھایا جائے گا اور اس پر مستقبل میں فیصلہ کیا جائے گا۔

فٹبال کے عالمی ادارے نے کہا ہے کہ 27 مارچ کو اشفاق حسین گروپ نے فٹبال ہاؤس کو اپنے قبضے میں کرتے ہوئے نارملائزیشن کمیٹی کو کام کرنے سے روک دیا تھا۔

ذرائع کا کہنا ہے کہ اگر دفتر پر قبضہ ختم نہ کیا گیا تو پاکستان فٹبال فیڈریشن پر 5 سال تک پابندی لگ سکتی ہے۔