لاہور:(ویب ڈیسک)پاک بھارت میچ میں جہاں تاریخ رقم ہوئی اور فتح کے بعد پاکستانیوں کی جانب سے بھارتی شائقین کی خوب کچھائی کی گئی تو وہیں بھارتی شائقین کی جانب سے شعیب ملک کیلئے 'جیجا جی' کے نعرے بھی لگتے رہے جسکی ویڈیو ثانیہ مرزا نے شیئر کردی ہے۔
پاکستانی کی بھابھی اور قومی کرکٹ ٹیم کے آل راؤنڈر شعیب ملک کی اہلیہ بھارتی ٹینس سٹٓار نے ثانیہ مرزا نے اپنے ٹوئٹر اکاؤنٹ پر ایک ویڈیو شیئر کی جس میں دیکھا جاسکتا ہے کہ شعیب ملک باؤنڈری کے پاس فیلڈنگ کرنے میں مصروف ہیں اور اسی اثنا میں بھارتی شائقین کی جانب سے شعیب ملک جیجا جی نعرے لگائے جاتے رہے۔
— Sania Mirza (@MirzaSania) October 25, 2021
شعیب ملک کو جیجا جی کہہ کر پکارنے کی ویڈیو سوشل میڈیا پر تیزی سے وائرل ہورہے ہیں جس سے مداحوں سمیت ثانیہ مرزا بھی خوب محظوظ ہوئیں۔
واضح رہے کہ پاکستان نے بھارت کو گزشتہ روز ٹی 20ورلڈ کپ میں پہلی مرتبہ شکست دیکر تاریخ رقم کی اور کوہلی الیون کو 10وکٹوں کی عبرتناک مات دی۔
