ونسٹن سلیم اوپن :ٹاپ سیڈڈ بورنا چورچ ، لاسلو جیرے اور رچرڈگیسکٹ کوارٹر فائنل میں پہنچ گئے

Published On 24 August,2023 12:17 pm

نیویارک : (ویب ڈیسک ) کروشین ٹاپ سیڈڈ کھلاڑی بورنا چورچ ، فرانسیسی ٹینس کھلاڑی رچرڈ گیسکٹ اور سربین ٹینس کھلاڑی لاسلو جیرے ونسٹن سلیم اوپن ٹینس ٹورنامنٹ میں مردوں کے سنگلز مقابلوں کے کوارٹر فائنل میں پہنچ گئے۔

ونسٹن سلیم اوپن ٹینس ٹورنامنٹ کے کانٹے دار مقابلوں کا سلسلہ امریکا میں جاری ہے جس میں شائقین ٹینس کو انتہائی دلچسپ اور کانٹے دار مقابلے دیکھنے کو ملیں گے۔

مینز سنگلز کے پری کوارٹر فائنل میں کروشیا کے کھلاڑی بورنا چورچ نے عمدہ کھیل پیش کرتے ہوئے وائلڈ کارڈ پر انٹری حاصل کرنے والے امریکی حریف کھلاڑی مائیکل مو 4-6، 7-6(7-3) اور 3-6سے ہرا کر کوارٹر فائنل کے لئے کوالیفائی کیا، جہاں ان کا مقابلہ ارجنٹائن کے حریف کھلاڑی جان مینوئل سیرنڈولو سے ہوگا ۔

ونسٹن سلیم کے ایک اور میچ میں سربیا کے لاسلو جیرے نے امریکی حریف کھلاڑی الیکس مشیلسن کو سٹریٹ سیٹس میں 4-6 اور 4-6 سے پچھاڑ کر ٹاپ 8 راؤنڈ کے لئے کوالیفائی کرلیا۔

سربین فاتح کھلاڑی کا کوارٹر فائنل میں مقابلہ ارجنٹائن کے حریف کھلاڑی سیباسٹین بیزسے ہوگا۔

فرانسیسی ٹینس کھلاڑی رچرڈ گیسکٹ نے بھی ٹاپ 16 رکاوٹ بھی عبور کر لی ، انہوں نے امریکا کے برینڈن ناکشیما کو 6-2، 4-6 اور 4-6 سے مات دی۔
 

Advertisement