فلوریڈا: (ویب ڈیسک) سپیس ایکس نے بہتر انٹرنیٹ کی فراہمی کیلئے سیٹلائٹس کی ایک کھیپ خلا میں روانہ کردی ہے۔
سپیس ایکس نے فلوریڈا کے مشہور کیپ کیناویرل سپیس فورس سٹیشن سے پیر کو صبح 27 سٹار لنک سیٹلائٹس سے لدے فالکن 9 راکٹ کو لانچ کیا ہے، راکٹ 12 بجے ای ڈی ٹی پر خلائی لانچ کمپلیکس 40 سے لانچ کیا گیا۔
اس مشن کا مقصد 27 سٹار لنک سیٹلائٹس کو کم زمین کے مدار میں رکھنا ہے جہاں وہ دنیا بھر میں تیز رفتار، کم تاخیر والے انٹرنیٹ لوگوں کوفراہم کرسکیں۔
پہلے مرحلے کا بوسٹر اپنی 27 ویں پرواز پر زمین پر واپس آیا جہاں یہ جسٹ ریڈ دی انسٹرکشنز ڈرون شپ پر اترا، جو بحر اوقیانوس میں واقع ہے۔
