اسلام آباد: (دنیا نیوز) گمراہ کن پروپیگنڈا بےنقاب کرنے پر بھارت نے معروف میڈیا پلیٹ فارم ’’دی وائیر‘‘ کو بلاک کردیا۔
ذرائع کے مطابق پابندی کی وجہ کرن تھاپر کے پروگرام میں سابق بھارتی فوجی آفیسر پراوین سواہنے کے ہوشربا انکشافات تھے، بھارت پاک فضائیہ کے ہاتھوں اپنے جیٹ طیاروں کے گرانے کی خبرجھٹلا نہیں سکا۔
پراوین سواہنے نے کہا کہ 2019ء کوبھارتی فوج نےاپنے میزائل سے اپنے ہی ہیلی کاپٹر کو تباہ کردیاتھا، بھارت میں انتخابات کی وجہ سےاس واقعےکوچھپادیاتھا، انتخابات کے بعد بھارتی فضائیہ نےچھ ہلاکتوں کوتسلیم کیا تھا۔
ان کا کہنا تھا کہ بھارتی حالیہ نقصانات کو بھی مخصوص سیاسی مقاصدکےطور پر چھپایاجا رہاہے، حالیہ نقصانات کومخصوص عزائم کیلئےکسی مناسب وقت پر سامنےلایا جائے گا، بھارتی حکومت اپنا گمراہ کن پروپیگنڈا بے نقاب ہونے سے کئی سوشل میڈیا پلیٹ فارمز پر پابندی عائد کرچکی ہے۔
دفاعی ماہرین نے کہا کہ سچ سے خوفزدہ مودی اختلافی آوازوں کو بند کر رہا ہے، مگر اس کا جھوٹ عیاں ہو چکا ہے’’ دی وائیر ‘‘ پر پابندی اس بات کا ثبوت ہے کہ بھارتی حکومت سچ سامنے آنے پر شدید بوکھلاہٹ کا شکار ہے۔
