دبئی: (روزنامہ دنیا) پب جی کے جنون میں خاتون نے اپنے شوہر کے خلاف مقدمہ درج دائر کردیا۔ واقعہ عرب خبر رساں ادارے اخبار 24 نے درج کیا تاہم مملکت کا نام واضح نہیں کیا۔
واقعہ عید الاضحیٰ کے روز پیش آیا جب خاتون کے گھر مہمان آئے اور شوہر نے خاتون سے مہمانوں کیلئے قہوہ بنانے کا مطالبہ کیا لیکن خاتون پب جی کھیلنے میں قہوہ بنانا بھول گئیں۔
مہمانوں کی خاطر تواضح نہ کرنے اور پب جی کھیلنے پر شوہر نے خاتون کی پٹائی کر دی۔ خاتون نے شوہر کے تشدد کے خلاف تھانے میں شکایت درج کرائی، جس میں کہا کہ مارنے سے انہیں نفسیاتی اور جسمانی نقصان ہوا ہے جس کی تلافی کا وہ مطالبہ کریں گی۔
خاتون نے اپنی شکایت میں مزید کہا کہ شوہر مجھے پب جی کھیلنے سے روکتے ہیں حالانکہ میں گھر کی تمام ذمہ داریاں پوری طرح سے ادا کرتی ہوں۔
