ڈربی: (ویب ڈیسک) ٹائٹینک کے فرسٹ کلاس مسافروں کیلئے بنائے جانے والے ایک کپ کو چٹخی ہوئی حالت میں لاکھوں روپے میں نیلام کر دیا گیا۔
ایک صدی سے زائد عرصہ پُرانا کپ بدقسمت جہاز میں اعلیٰ درجے کے مسافروں کو چائے پلانے کیلئے مختص تھا جس کو بعد ازاں شمالی اوقیانوس کی تہہ سے نکالا گیا۔
یہ نایاب کپ ایک شخص کو اپنے متوفی والد کے گھر کا شیلف صاف کرتے وقت دریافت ہوا، تاہم، انہیں اس کی قدر کا کوئی اندازہ نہیں تھا، لیکن اشیاء نیلام کرنے والے ایک شخص کی اپنے معمول کے دورے میں گھر میں موجود اس کپ پر نظر پڑی۔
کپ پر موجود بیچ نمبر سے اس بات کی تصدیق ہوئی کہ یہ کپ ٹائٹینک کیلئے لِیورپور پوٹری اسپوڈ میں بنایا گیا تھا۔
یہ کپ تخمینہ لگائی گئی قیمت سے 3 گُنا زیادہ یعنی 3200 پاؤنڈز (11 لاکھ 36 ہزار روپوں سے زائد) میں نیلام کیا گیا۔
