تازہ ترین
  • بریکنگ :- فیٹف اقدامات پرعملدرآمدحتمی تاریخ سےایک سال قبل مکمل کرلیا،ایف بی آر
  • بریکنگ :- جون 2021میں پاکستان کیلئے7نکاتی نئےایکشن پلان کی منظوری دی گئی تھی
  • بریکنگ :- ایکشن پلان کے2نکات ریئل اسٹیٹ ایجنٹس اورقیمتی دھاتوں کےڈیلرزسےمتعلق تھے
  • بریکنگ :- اینٹی منی لانڈرنگ،دہشتگردوں کی مالی معاونت روکنےکیلئےقواعدمتعارف کرائے،ایف بی آر

ارجنٹائن میں کورونا لاک ڈاون کیخلاف لوگ سراپا احتجاج، معاشی سرگرمیاں شروع کرنے کا مطالبہ

Published On 18 September,2020 11:48 am

بیونس آئرس: (دنیا نیوز) ارجنٹائن میں کورونا وبا کی وجہ سے لگی پابندیوں کے خلاف لوگ سڑکوں پر نکل آئے اور احتجاج کرتے رہے۔ شرکا نے حکومت سے فوری طور معاشی سرگرمیاں شروع کرنے کا مطالبہ کر دیا۔

ہزاروں افراد نے دارالحکومت بیونس آئرس میں ریلی نکالی، احتجاج میں شریک افراد نے حکومتی پالیسیوں کے خلاف بینرز اور پلے کارڈ اٹھا رکھے تھے۔ شرکا کا کہنا تھا کہ انہیں کام پر جانے دیا جائے۔ وہ گھروں میں رہ کر معاشی بدحالی کا شکار ہو چکے ہیں۔

مظاہرین نے ریلی میں ڈرم بجا کر اور گانے گا کر لوگوں کوتفریح بھی فراہم کی۔ ارجنٹائن میں کورونا لاک ڈاون کے باعث اس وقت 4 لاکھ سے زائد افراد بے روز گار ہو چکے ہیں۔

واضح رہے کہ ارجنٹائن کورونا سے متاثرہ ممالک میں دسویں نمبر پر ہے، جہاں ہلاکتوں کی تعداد 12 ہزار 460 ہے جبکہ مریضوں کی تعداد 6 لاکھ سے زائد ہے۔ اس کے باوجود عوام کے کورونا لاک ڈٓاون کے خلاف مظاہرے جاری ہیں۔