تازہ ترین
  • بریکنگ :- آصف زرداری کی نااہلی کیلئےخرم شیرزمان کی درخواست پربھی سماعت
  • بریکنگ :- فوادچودھری اورخرم شیرزمان کےوکیل عدالت میں پیش
  • بریکنگ :- درخواست منظوربھی ہوجائےتوسپریم کورٹ کالعدم کرسکتی ہے،چیف جسٹس
  • بریکنگ :- رکن اسمبلی کوعہدےسےہٹانےکےنتائج ہوتےہیں،چیف جسٹس
  • بریکنگ :- قانون میں متبادل فورمزہیں توعدالت رٹ جاری کیوں کرے؟چیف جسٹس
  • بریکنگ :- یہ عدالت ان درخواستوں کوکیوں سنے؟چیف جسٹس اطہرمن اللہ
  • بریکنگ :- قانون میں موجودتمام فورمزسےمتعلق عدالت کوآگاہ کریں،چیف جسٹس
  • بریکنگ :- سیاسی لڑائیاں عدالتوں سےباہرلڑیں،چیف جسٹس اطہرمن اللہ
  • بریکنگ :- عدالت نےکیس کی سماعت 23 فروری تک ملتوی کردی
  • بریکنگ :- اسلام آبادہائیکورٹ،فوادچودھری کی نااہلی کیلئےدائردرخواست کی سماعت

ڈونلڈ ٹرمپ کے جانے کے بعد امریکا کیساتھ تعلقات بہتر ہو سکتے ہیں: چینی وزیر خارجہ

Published On 07 December,2020 08:02 pm

بیجنگ: (ویب ڈیسک) امریکی صدر ڈونلڈ ٹرمپ کے دور میں چین اور واشنگٹن میں جاری کشیدگی کے بعد چین کے وزیر خارجہ وانگ ژی نے امید ظاہر کی ہے کہ ڈونلڈ ٹرمپ کی صدارت ختم ہونے کے بعد نئی امریکی انتظامیہ کیساتھ تعلقات بہتر ہو سکتے ہیں۔

واضح رہے کہ امریکی صدر ڈونلڈ ٹرمپ کے دور میں دونوں ممالک کے باہمی تعلقات انتہائی کشیدہ رہے ہیں جس کے گہرے اثرات عالمی اقتصادیات پر بھی مرتب ہوئے ہیں۔

چین کے وزیر خارجہ وانگ ژی نے چین اور امریکا کی بزنس کونسل سے خطاب میں امریکا کے ساتھ باہمی تعلقات میں بہتری کی امید ظاہر کرتے ہوئے کہا کہ امریکا میں صدر کی تبدیلی سے چین کے ساتھ ایک بار پھر غیر جانبدارانہ تعلقات بحال ہو سکتے ہیں۔

وانگ ژی نے مزید کہا کہ تنازعات کا حل ’ٹیبل ٹاک‘ میں ہے اور دونوں ممالک کے لیے یہ وقت بہترین ہے جب امریکی انتظامیہ میں بڑی تبدیلی آرہی ہے جس سے پالیسیوں میں نرمی اور غیر جانبداری کا امکان بڑھ گیا ہے۔

غیر ملکی میڈیا کے مطابق ان کا یہ بیان اس وقت آیا ہے جب امریکی وزیر خارجہ نے ہانگ کانگ میں عوامی نمائندوں پر مقدمات بنانے کی مذمت کرتے ہوئے چینی حکام پر نئی پابندیوں کا عندیہ دیا ہے جس پر چینی وزارت خارجہ کی ترجمان نے شدید احتجاج بھی کیا ہے۔