تازہ ترین
  • بریکنگ :- لاہور:پنجاب بلدیاتی ایکٹ 2021 ختم کردیاگیا
  • بریکنگ :- لاہور:سیکرٹری بلدیات اسد رحمان گیلانی کا تبادلہ معمہ بن گیا
  • بریکنگ :- 50ہزارپنشنرزاور 60ہزارملازمین کوتنخواہوں کی مدمیں 5ارب روپےجاری نہ ہوسکے
  • بریکنگ :- 10روزقبل 2019کاقانون فعال ہونےکےباوجودافسران کونئےعہدوں کےاحکامات جاری نہ ہوئے
  • بریکنگ :- فنانس افسران کےپاس دستخط کےاختیارات نہ ہونےسےفنڈزکی ادائیگیاں رک گئیں
  • بریکنگ :- لاہورکے 6ہزارریٹائرڈملازمین کی پنشن 10روزسےالتواکاشکار
  • بریکنگ :- لاہور:4ہزار 900ملازمین کوتنخواہیں نہ دی گئیں

مسجد نبوی ﷺ میں نماز تراویح کی ادائیگی کیلئے پلان مرتب

Published On 19 March,2021 08:42 pm

مدینہ منورہ: (ویب ڈیسک) سعودی حکام نے رمضان المبارک کے دوران مسجد نبوی ﷺ میں نماز تراویح کی ادائیگی کیلئے پلان مرتب کر لیا ہے۔

یہ پلان مسجد نبوی ﷺ پریذی ڈینسی ایجنسی کی جانب سے امام کعبہ ڈاکٹر عبدالرحمان السدیس کے سامنے پیش کیا تھا، جسے انہوں نے غور وفکر کے بعد منظوری دینے کا اعلان کیا۔

شیخ عبدالرحمان السدیس کا اجلاس کے موقع پر گفتگو کرتے ہوئے کہنا تھا کہ کورونا وائرس سے بچاؤ کیلئے احتیاطی تدابیر پر سختی کیساتھ عمل پیرا ہونے کی ضرورت ہے تاکہ مسجد نبوی ﷺ میں ناصرف عبادت بلکہ زائرین کی آمد کو بھی بحال کیا جا سکے۔

ہ بات ذہن میں رہے کہ مسجد نبویﷺ کا شمار دنیائے اسلام کی بڑی مساجد میں ہوتا ہے جہاں بیک وقت لاکھوں لوگ نماز ادا کر سکتے ہیں۔ کورونا وائرس سے قبل یہاں ایک ہی وقت میں 3 لاکھ 50 ہزار افراد باجماعت نماز ادا کرنے کی اجازت تھی۔

تاہم اب نماز تراویح کیلئے یہاں محکمہ صحت کی وضع کردہ ہدایات کی روشنی میں پلان ترتیب دیا گیا ہے۔ وبائی صورتحال کے پیش نظر مسجد نبوی ﷺ میں رمضان کے دنوں میں صرف 45 ہزار نمازی کباجماعت نماز ادا کر سکیں گے۔

مسجد نبوی ﷺ کے مغربی حصے میں 15 ہزار نمازیوں کے داخلے جبکہ رمضان المبارک میں ایک ہی وقت میں 60 ہزار نمازیوں کو مسجد نبوی ﷺ میں ‌نماز ادا کرنے کی اجازت ہوگی۔