تازہ ترین
  • National :- سینیٹ اجلاس،انسدادگھریلوتشدداورتحفظ بل پرقائمہ کمیٹی انسانی حقوق کی رپورٹ پیش
  • National :- بزرگ شہریوں کی فلاح کےبل پرقائمہ کمیٹی انسانی حقوق کی رپورٹ بھی پیش
  • National :- دونوں رپورٹس سینیٹر ولید اقبال نے ایوان بالا میں پیش کیں
  • National :- اسلام آباد: قومی اسمبلی اجلاس،بلاول بھٹوزرداری کا اظہارخیال

بھارت میں متنازع قوانین کیخلاف احتجاج جاری، مرکزی شاہراہ بند کرنے کا اعلان

Published On 09 April,2021 09:07 am

نئی دہلی: (دنیا نیوز) بھارت میں متنازع زرعی قوانین کے خلاف کسانوں کا تاریخی احتجاج جاری ہے، کسانوں نے ہریانہ دلی مرکزی شاہراہ بند کرنے کا اعلان کر دیا۔

بھارت میں مودی کی تمام تر کوششوں کے باوجود کسانوں تحریک جاری،کاشتکاروں نے کل ہریانہ سے نئی دلی آنے والی اہم شاہراہ بند کرنے کا اعلان کر دیا۔ مودی سرکار مظاہرین کے خلاف اوچھی حرکتیں کرنے لگی۔ پنجاب راجستھان بارڈر پر رواں نہر میں کیمیکل ملا پانی چھوڑ دیا۔

پنجاب میں حکومت کی طرف سے پابندی کے باوجود کسانوں کے بڑے بڑے اجتماعات جاری ہیں، بٹالہ میں کسانوں نے بڑاجلسہ منعقد کیا۔ کاشتکاروں کا کہنا ہے سرکار کورونا کا بہانہ کرکے تحریک روکنا چاہتی ہے۔

پنجاب میں پابندی کے باوجود کاشتکاروں نے بڑے بڑے جلسے منعقد کیے، جلسوں میں خواتین کی بھی بڑی تعداد نے شرکت کی۔ مظاہرین نے مطالبہ کیا کہ مودی سرکار کالے قوانین واپس لے، دھرنے اور جلسے ختم کر دیں گے۔