تازہ ترین
  • بریکنگ :- عدالت کاوفاقی حکومت کوٹی اوآرزبناکرعدالت میں پیش کرنےکاحکم
  • بریکنگ :- آئی جی اسلام آبادشیریں مزاری کوسیکیورٹی فراہم کریں،عدالت
  • بریکنگ :- اسلام آبادہائیکورٹ کےحکم پرشیریں مزاری کورہا کردیاگیا
  • بریکنگ :- شیریں مزاری کاموبائل فون ودیگرچیزیں انہیں واپس کردی گئیں
  • بریکنگ :- اسلام آباد:شیریں مزاری گرفتاری کیس،سماعت 25مئی تک ملتوی
  • بریکنگ :- اسلام آبادہائیکورٹ کامعاملےکی جوڈیشل انکوائری کاحکم

بیجنگ کو دشمن تصور کرنا قابل مذمت، امریکا خود اپنے لئے سب سے بڑا خطرہ ہے، چین

Published On 10 June,2021 10:21 am

بیجنگ: (دنیا نیوز) چینی ٹیکنالوجی کا مقابلہ کرنے کے لیے امریکی سینیٹ سے بل کی منظوری پر چین نے اپنے ردعمل میں کہا ہے کہ امریکا کے لیے سب سے بڑٖا خطرہ دوسرےممالک نہیں، وہ خود ہے۔

چینی ترجمان دفتر خارجہ نے کہا کہ امریکا کس طرح ٹیکنالوجی میں ترقی کرتا ہے، یہ اس کا اپنا معاملہ ہے تاہم امریکا کی جانب سے چین کو دشمن تصور کرنا قابل مذمت ہے۔ ترجمان ژاو لیجیان نے مزید کہا کہ چین نے ہمیشہ پرامن ترقی کا راستہ اختیار کیا اور اسی راستے پر گامزن رہیں گے۔

واضح رہے کہ امریکی سینیٹ نے گزشتہ روز چینی ٹیکنالوجی اورصنعتی ترقی کا مقابلہ کرنے کے لیے 50 ارب ڈالر کا اضافی بل منظور کیا تھا۔ بل کے حق میں 68 اور مخالفت میں 32 ووٹ آئے۔ ایوان نمائندگان میں منظوری کے بعد بل صدر کی منظوری کے لئے بھیجا جائے گا۔