تازہ ترین
  • بریکنگ :- وزیراعلیٰ ہاؤس کے باہردھرنا، پولیس کا ایم کیو ایم کارکنوں پرلاٹھی چارج
  • بریکنگ :- کراچی:پولیس کی ایم کیوایم کارکنوں پرشیلنگ،متعدد زخمی
  • بریکنگ :- کراچی:ایم کیوایم کی بیشترخواتین کارکن بھی زخمی
  • بریکنگ :- کراچی:مشتعل مظاہرین کا پولیس پر پتھراؤ
  • بریکنگ :- پولیس نےایم کیوایم کےبیشترکارکنوں کوحراست میں لےلیا
  • بریکنگ :- کراچی:پولیس نےوزیراعلیٰ ہاؤس کےمرکزی گیٹ کوخالی کرا لیا
  • بریکنگ :- پولیس کارکن سندھ اسمبلی صداقت حسین پرلاٹھی چارج،ترجمان ایم کیوایم
  • بریکنگ :- پولیس نےصداقت حسین کوزخمی حالت میں حراست میں لےلیا،ترجمان

سعودی عرب سمیت خلیجی ممالک میں آج عیدالاضحی منائی جا رہی ہے

Published On 20 July,2021 08:29 am

ریاض: (دنیا نیوز) سعودی عرب سمیت خلیجی ممالک میں آج عید الاضحی پورے مذہبی جوش و خروش کے ساتھ منائی جا رہی ہے۔ مسجد الحرام اور مسجد نبویﷺ میں محدود پیمانے پر نماز عید کے اجتماعات ہوئے۔ اس موقع پر مسلم اُمہ کی سلامتی کی خصوصی دعائیں بھی کی گئیں۔

 خلیجی ممالک کے ساتھ ساتھ یورپ، امریکا، افریقہ، وسطی ایشیا اور ترکی میں بھی آج عید الاضحیٰ منائی جا رہی ہے۔ مشرق بعید کے ممالک ملائشیا، انڈونیشیا اور برونائی دار السلام کے مسلمان بھی عید منا رہے ہیں۔

کورونا کے باعث لوگوں کی قوت خرید کم ہوئی ہے۔ اس لیے لبنان، عراق، شام، یمن، بنگلہ دیش، فلسطین اور دیگر مسلم اکثریتی ممالک کے شہری بازاروں اور مویشی منڈیوں میں مہنگائی کی شکایت کرتے نظر آئے۔ بنگلہ دیش میں لاکھوں افراد کو ڈھاکہ اور دوسرے بڑے شہروں سے ان کے آبائی علاقوں تک پہنچانے کے لیے خصوصی ٹرینیں چلائی گئیں۔

دوسری طرف مناسک حج کی ادائیگی آخری مراحل میں داخل ہوگئی ہے۔ حجاج کرام آج منیٰ میں واپس خیموں میں منتقل ہو جائیں گے جبکہ غروب آفتاب کے وقت تینوں جمرات کی رمی کریں گے اور قربانی کی جائے گی۔ جس کے بعد حجاج منیٰ سے مسجد الحرام کی طرف لوٹ جائیں گے اور الوداعی طواف کریں۔