بخاراسٹ: (ویب ڈیسک) رومانیہ میں جنگی طیارے اور ہیلی کاپٹر ٹکرانے سے 8 افراد ہلاک ہو گئے ہیں۔
غیر ملکی میڈیا کے مطابق رومانیہ کے مشرق میں ہیلی کاپٹر اور جنگی طیارے کے آپس میں ٹکرانے سے 8 افراد ہلاک ہو گئے ہیں۔ یہ حادثہ خراب موسم کی وجہ سے پیش آیا ہے۔ بحیرہ اسود کے قریب پیش آنے والا یہ حادثہ رومانیہ کی حالیہ تاریخ کا بدترین فضائی حادثہ ہے۔
یورپی یونین کا یہ رکن ملک مشرق کی جانب نیٹو کا فرنٹ لائن اتحادی ہے۔ رومانیہ سابق سوویت یونین کا حصہ تھا لیکن بعدازاں یہ یورپی یونین اور نیٹو کا رکن بنا۔ اس ملک میں امریکا نے بھی اپنے فوجی تعینات کر رکھے ہیں۔ یوکرینی مہاجرین پناہ لینے کے لیے اس ملک میں بھی داخل ہو رہے ہیں۔
