لاہور: (ویب ڈیسک) امریکا نےسیلاب اور دیگر قدرتی آفات کی تباہ کاریوں سے نمٹنے کے لیے پاکستان کے لیے مزید 10لاکھ ڈالر امداد کا اعلان کیا ہے۔
امریکی وزیر خارجہ انٹونی بلنکن نے سماجی رابطے کی ویب سائٹ ٹویٹر پر لکھا کہ ہم مشکل کی اس گھڑی میں پاکستان کے ساتھ ہیں اور سیلاب متاثرین کے لیے مدد کی پیشکش کی ہے۔ پاکستان کو فوری امداد کے طور پر ایک لاکھ ڈالر فراہم کئے گئے تھے ۔
We stand by Pakistan in hard times and offer our support to flood victims. In addition to $100,000 in immediate relief, the U.S. announced $1 million to build resilience against natural disasters, and we continue to work together to mitigate future impacts of the climate crisis. https://t.co/eDSeZOrvaE
— Secretary Antony Blinken (@SecBlinken) August 17, 2022
انٹونی بلنکن نے کہا کہ امریکا نے قدرتی آفات سے نمٹنے کے لیے پاکستان کو مزید 10لاکھ ڈالر دینے کا اعلان کیا ہے۔ ہم موسمیاتی بحران کے اثرات کو کم کرنے کے لیے پاکستان کے ساتھ مل کر کام کرتے رہیں گے۔
