ٹورانٹو: (دنیا نیوز) کینیڈا کی حکمران کے جماعت کے منتخب کردہ رہنما مارک کارنے آج وزارت عظمیٰ کے عہدے کا حلف اٹھائیں گے۔
میڈیا رپورٹس کے مطابق کینیڈا کی لبرل پارٹی کی جانب سے اتوارکو بینک آف کینیڈا کے سابق گورنر مارک کارنے کو پارٹی رہنما منتخب کیا گیا تھا۔
کینیڈین میڈیا رپورٹس میں بتایا گیا کہ مارک کارنے جمعہ کو کینیڈا کے نئے وزیراعظم کے عہدے کا حلف اٹھائیں گے۔
یاد رہے کہ موجودہ وزیر اعظم جسٹن ٹروڈو نے مہنگائی اور امریکا کے ساتھ تجارتی جنگ کی دھمکیوں پر دباؤ کے باعث مستعفی ہونے کا اعلان کیا تھا۔
واضح رہے کہ 53 سالہ جسٹن ٹروڈو نے 2015 میں کینیڈا کی وزارت عظمیٰ کا منصب سنبھالا تھا اور انہوں نے اس کے بعد بھی مسلسل 2 انتخابات میں فتح سمیٹی تھی۔
