ڈبلن: (دنیا نیوز) یوکرینی صدر ولادیمیر زیلنسکی نے کہا ہے کہ روس اور امریکا کے درمیان مذاکرات مثبت رہے تو جلد امریکی صدر ڈونلڈ ٹرمپ سے ملاقات کروں گا۔
آئرلینڈ کے دورے پر آئرش وزیراعظم سے ملاقات کے بعد میڈیا سے گفتگو کرتے ہوئے یوکرینی صدر نے کہا کہ یوکرین میں جنگ کے خاتمے کا فیصلہ انتہائی مشکل اور پیچیدہ مرحلہ ہوگا، روس کی جانب سے جنگ ختم کرنے کے امکانات پہلے کی نسبت زیادہ دکھائی دے رہے۔
زیلنسکی نے کا کہنا تھا کہ امریکی ٹیم کی روس سے ملاقات کے فوراً بعد امریکا سے براہ راست رابطے کی توقع ہے، روسی منجمد اثاثے پہلے ہی یوکرین کے دفاع اور بحالی کیلئے استعمال ہونے چاہیے تھے، امید ہے یوکرین کے ساتھ کوئی سیاسی یا سفارتی کھیل نہیں کھیلا جائے گا۔
